1. Kanina, hindi kami nakapasa ng research paper namin sa Filipino dahil
ang labo ng mga kasama ko. Nakakabadtrip minsan, nakakayamot pero may halong
awa. Alam ko na dati pa, noong first semester na ganito talaga ang ugali nila.
Parang walang pakialam kung lumagpak man sila sa isang subject kahit na mga
iskorlar sila. Ang masama, nadadamay yung ibang kasama ko na matitino. Ewan,
ayaw ko namang mag-conclude na ganito talaga ang totoong ugali nila kahit
pinapamukha na nila ito sa akin. Finals na ngayon, at matatapos na lang
tong school year e di pa rin nila
binabago tong ugali nilang ito. Nakakayamot, nakakainis, nakakabadtrip.
2. Ngayon, nagbabasa ako ng libro ni
Bob Ong na MACARTHUR dahil ito ang paksa ng aming pag-aaral. Maganda ang
kwento. Tulad ng mga naunang mga libro niya, mahusay nyang nailapat sa papel
ang totoong kwento ng bawat pilipino. Dito na lang muna. Hindi ko pa natatapos
basahin ang libro.
3. Habang tinatayp ko ito, nasa
kaliwa ko si Nhonie na mahimbing na natutulog. Si Jessa, na halatang napilitan
na sumama dahil sa peer pressure,nakahiga sa upuan sa sala. Si Aljon naman, na
alam naming walang maitutulong kapag sinama namin e nanonood ng bago niyang
paboritong anime na Eyeshield 21 sa dala ni Jessa na portable DVD player.
Habang si Alfie naman, kasama ang syota niyang si Shaira e pumasok sa isang
kwarto para magpahinga. Pagkatapos kong maitayp ito, ipagpapatuloy kong basahin
'yung libro ni Bob Ong ng sa gayun makagawa na ko ng buod sa pag-aaral.
4. Busy ako sa linggong ito. Una, kailangan naming matapos ng mga kasamahan
ko sa Literature 'yung research paper sa Filipino na deadline mamaya.
Pangalawa, kailangan naming matapos 'yung lay out at mai-update ang bulletin ng
pub namin sa pamantasan. Ang nakakainis lang dun e kami lang dalawa ni Kuya
Jonel ang gumagawa lahat ng trabaho.
Ayaw kong pilitin 'yung ibang mga kasama ko sa pub na busy din sa ibang
bagay. Gusto ko silang alukin na tumulong sa amin dahil hindi namin kaya 'yun
ng kaming dalawa, at kung kaya man, aabutin ng mahabang oras para matapos namin
'yun. Deadline na nito dapat ngayon, pero dahil kulang 'yung tao sa paggawa,
baka sa Huwebes na namin ito matapos. Pangatlo, kailangan ko pang magsumite ng
reports sa CCO para sa organization namin. Mga events na inorganisa namin sa
taon na ito, financial statements at iba pa. Pang-apat at panghuli,
kinakailangan ko ng magpasign ng clearance namin na kailangan para ma clear
na lahat ng obligasyon namin sa
paaralan. Mahirap. Nakakapanghina ng loob minsan kapag sumasagi ito sa aking
isipan pero dapat tanggapin. Naalala ko parati 'yung sinasabi ni Kuya Jonel sa
akin na tong mga problema ko ngayon e makakatulong para maging mabuting tao ako
ngayon at sa mga susunod na taon.